- 136 -

o. J. Juli 24. Prag.

Carl, Markgraf von Mähren, richtet sich mit derselben Aufforderung an den breslauer Capitaneus und die Rathmannen von Breslau und Neumarkt.

Karolus etc. paternis et nostris fidelibus dilectis, capitaneo et consulibus Wratislauie et Novifori presentibus et futuris ceterisque, quibus presentes exhibite fuerint vni¬uersis, significamus, quod dilecti nobis Conradus de Walkenhayn miles et Johannes Salomonis ac Franzco Hartlibi ciues Wratislauienses in nostra constituti presencia ex parte sui et Johannis de Oppauia ciuis Wrat. nobis dilecti proposuerunt, quod Tammo de Schellendorp eorum honori graviter deroget minus juste, racione cujusdam violencie, quam, vt ipse asserit, sibi illustrissimus princeps dominus Boleslaus dux Slesie dominus Lignicensis alias irrogavit zelo tum, vt credimus, justo motus. Nam cum ipse dominus dux hanc fecisset liberaliter, vt ex certa informacione plurium recipimus, suo ducatui Lignicensi graciam generalem, videlicet, quod, si ipse alicui feodalium aut ciuium ipsius ducatus injuriari super quacunque re vel causa qualibet videretur, extunc ad informacionem racionabilem V feodalium terre et V consulum Lignicensium, ad hoc per terrigenarum communitatem communiter electorum, se deberet penitus de huiusmodi injuria coercere; si autem jus sibi competeret in aliquem eorundem, quod illo libere frueretur, dictus Tammo hujusmodi graciam et generale promissum omnium terrigenarum, ipsa gracia uti et gaudere volencium, non advertens X electorum auxilium et consilium super his, que per dictum dominum Boleslaum sibi sentit incumbere, sprevit, forsitan aut juri formidans succumbere, renuit invocare, vt, si justus fuisset, justicia sua ipsum, predictis X electis mediantibus, ab omni injuria et grauamine liberasset, quia casus hujusmodi, si injustus fuisset, non solum ipsum Tammonem, sed totam communitatem ducatus Lignicensis predicti, in quo ibidem idem Tammo amicos habet plurimos, visus fuisset tangere in prejudicium gracie antedicte; sed quod dispendia, que idem Tammo pertulit, illa vice nunc in predictos Conradum et ciues nititur retorquere, asserens, quod ipsi eum racione possessionis ipsius ducatus, quam pro eo tempore acceperant pignori, ab hujusmodi, si dici potest, violencia, debuerint defendisse, cum tum ipse nec eorum domini nec predictorum X electorum vel aliorum terrigenarum auxilium tunc, cum res erat in lite, tanquam preiudiciuin dicte gracie grauans curauerit in notatis ipsis, milite et ciuibus, asserentes coram nobis, quod super hujusmodi velint ipsi Tammoni coram predictis X electis et aliis terrigenis Legnic., quibuscunque de justicia racionem dare parati semper et ubique debito mancipare, quidquid ipsi electi super eo discusserint faciendum, supplicantes quoque nobis, vt pro ipsis hanc, ad quam se offerunt, dignemur dicto Tammoni justiciam intimare et eciam exhibere, idcirco fidelitati vestre districte precipiendo mandamus omnino volentes, quatenus hujusmodi intencionis dictorum, militis et ciuium, propositum illustri principi domino Polconi duci Slesie domino Swidnicensi, cui idem Tammo famulatur ac eciam ipsi Tammoni intimetis vestris litteris, prout eciam nostras litteras patentes di(re)xerimus super eo continentes, quod dictus dominus dux eundem Tammonem ad hoc teneat ipseque Tammo nostri consideracione id explere studeat, quod a predictorum, militis et ciuium, honoris derogacione se cohibens, jus, si quod sibi super premissis videbitur conpetere in eosdem, coram predictis electis, si voluerit autem hic coram nobis seu coram vobis; quod sibi per vos impendi volumus, si requisierit, mediante justicia, prosequatur, prout hoc nobis et paternis ac nostris baronibus consulte videbitur faciendum eo, quod tunc ipsis, cum res agebatur, ipse Tammo noster erat feodalis sicuti et predicti; super cujus quidem juris prosecucione, si quid periculi ipse Tammo sibi ex cujuscunque parte formidauerit forsitan imminere, super eo eidem de plena securitate in veniendo ad vos, stando vobiscum, et recedendo a nobis (!) peruolumus prouideri. Si uero dictum Tammonem ad acquiescendüm vobis super promissum forsitan poteritis inclinare, extunc ipsum in agendis suis semper et ubique studeatis nostro nomine inpedire, quousque consilio ductus saniori a predictorum, militis et ciuium, honoris desistens derogacionibus justicia, que sibi in eosdem conpetere poterit, prosequenda modo prehabito contentetur. — Datum Prage in vigilia Jacobi.

Aus derselben Quelle fol. 68.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866